Italiya chempionatining 9-turidan o‘rin olgan uchrashuvda "Milan" safarda "Bolonya"ni yengdi (4:2).
9 uchrashuvdan keyin Stefano Pioli shogirdlari hisobida 8 g‘alaba va 1 durang bor. Shunday qilib, "rossonerilar" 1954/55 yilgi mavsumdan buyon ilk bor chempionat doirasidagi 9 uchrashuvining 8tasida g‘alaba qozondi. O‘sha mavsumda "Milan" 34 uchrashuvda 48 ochko to‘plab chempion bo‘lgan (g‘alaba uchun 2 ochko berilgan) edi.
Ayni vaqtda, milanliklar A Seriya turnir jadvalida 9 o‘yindan so‘ng 25 ochko jamg‘arib 1-o‘rinda borishmoqda.