"Ливерпуль" бош мураббийи Юрген Клопп бугун "МЮ"га қарши ўзининг 200 ғалабасини нишонлаши мумкин. Гап шундаки, Клопп ҳозиргача "Ливерпуль"ни 331 марта майдонга олиб тушган ва 199 марта зафар қучган.
Бугунги ўйин Клопп учун юбилей, 200 ғалабаси бўлиши мумкин. Шунингдек, у ва унинг жамоаси "МЮ"га қарши еттита АПЛ баҳсида мағлуб бўлмай, клуб рекордини ўрнатиш имкониятига эга.
Аввалроқ Муҳаммад Салоҳ бу учрашувда гол урса, "МЮ"га кетма-кет учта ўйинда гол киритган илк "Ливерпуль" ҳужумчисига айланиши мумкинлиги ҳақида хабар қилинганди.