"Ювентус" ҳужумчиси Пауло Дибала Италия А Серияси 9-туридан ўрин олган "Интер"га қарши ўйиндан сўнг фикрлари билан ўртоқлашди.
"Биз "Ювентус"миз ва ҳар доим ғалаба қозониш учун ўйнаймиз. Бугун жуда кучли жамоага қарши ўйнадик. Ўйин боришини ҳисобга олсак, бир очкони қўлга киритганимиз учун хурсанд бўлишимиз керак. Мен жамоадошларим, мухлислар ва бошқалар учун қўлимдан келганча ҳаракат қилишни хоҳлардим. Шунингдек, жароҳатлар туфайли четда қолишни ёқтирмайман", - дея Дибала сўзларидан иқтибос келтирган "DAZN".
Бу учрашувдан сўнг "Интер" 18 очко билан турнир жадвалида учинчи, "Ювентус" 15 очко билан олтинчи қаторда жойлашди.