Учрашувлар давомидаги бешта ўйинчи ўзгартириш қоидаси доимий қилиб белгиланди.
27-октябрь куни Халқаро футбол ассоциацияси кенгашининг (IFAB) навбатдаги йиғилиши бўлиб ўтди ва унда ўйин давомида рухсат этилган алмаштиришлар сони масаласи кўриб чиқилди.
"The Times" нашрининг ёзишича, рухсат этилган бешта алмаштириш қоидасини доимий равишда ўзгартириш ғояси қўллаб-қувватланган.
Эслатиб ўтамиз, ушбу қоида коронавирус пандемияси бошланганидан кейин жорий қилинган эди. Бунгача жамоаларга учрашув давомида 3 марта футболчи алмаштиришга рухсат берилган.