"Манчестер Сити" бош мураббийи Пеп Гвардиола "Кристал Пелас"га қарши учрашувдан кейин ўз фикрларини билдириб ўтди.
"Ляпортнинг ҳоларида сариқ ёки қизил карточкадан бири кўрсатилиши керак эди. Бу бош ҳакамнинг нима деб ўйлашига боғлиқ бўлди. Голда эса, қанот ҳаками ўйиндан ташқари ҳолат деб баҳолашини кутгандим. Биз бунинг учун ютқазмадик. Биз биринчи бўлиб гол ўтказиб юбордик ва уларга жавоб қайтара олмадик. Аммо, шундан кейин биз жуда яхши ҳаракат қилдик ва иккинчи таймда 25-30 дақиқа ҳам соз ўйнадик.
Бироқ, 11 кишига қарши 10 футболчи билан 50 дақиқа ҳаракат қилганингизда, бизга ўхшаган жамоа учун қийин, сабаби сиз жараёнга боғланиб қоласиз ва ҳамма ишни тўғри бажаришингиз керак бўлади. Йигитлар характер кўрсатишди ва ҳаракат қилишди. Лекин, бахтга қарши кўплаб нарсалар ишдан чиқди ва ўйинни бой бердик".
"Рақиб ҳимоя чизиғи кучли, учта таянч ярим ҳимоячи ва тўп учун дуэлда ғалаба қозонниш, блок қўйиш, қарши ҳужумда тезкор футболчилар билан Заҳани олдинга қўйиш. Ҳар доим шу сабабдан уларга қарши ўйнаш оғир. Уларнинг футболчилари жуда ҳам яхши салоҳиятга эга. Улар тўпни қўлга киритишганида, уни сақлашади ва ўз ўйинларини ўйнашни исташади. «Брайтон»га қарши ўйиндан кейин уларга қарши руҳам тўғри тайёрланишни айтгандим, чунки қийин бўларди. «Брайтон» ва «Арсенал»га қарши кўрдим, шунинг учун улар билан ўйин қандай мураккаб ўтишини мутлақо билардим ва улар бугун шуни кўрсатиб беришди".
"Кристал Пелас" ҳужумчиси Уилфрид Заҳа "Манчестер Сити" устидан қозонилган ғалабадан кейин ўз фикрлари билан бўлишди.
"Биз уларнинг қандай яхши салоҳиятга эга эканликларини биламиз ва уларга ўйнаш учум имкон бермаслигимиз кераклигини тушундик. Бугун, нималарга қодир эканлигимизни намойиш этдик.
Олдинга юраётганимизни ҳис қиляпман, аммо сиз кўраётган фақр шуки, тўпни орқадан ушлаб турибмиз. Майдон бўйлаб тўпни сақлаган ҳолда ўз имкониятларимизни яратяпмиз. Ҳужум чизиғимиздаги истеъдодлардан фойдаланяпмиз.
Конор жуда кўп қувват бериб турди. Албатта топ даражада ўйин кўрсатишимиз учун менга ёрдам берадиган одамларга муҳтожман. Виера нима ҳақида гапираётганини билади. Биз уни нима қилаётганини ҳаммамиз кўрдик. Бу бироз реалликдан узоқ. Мен унинг ажойиб ўйинчи эканлигини кўрганман. У ўйнашга ҳаракат қилаётган йўлга мослашиш осон. Чунки, буни ўзи қилиб кўрган. Ўйинчилар унинг кўрсатмаларига амал қилган ҳолда яхши ўйин намойиш этишмоқда. Шубҳасиз, натижалар аста-секин келади".
