"Ливерпул" ярим ҳимоячиси Наби Кейта Чемпионлар лигасининг 4-тури доирасидаги "Атлетико"га қарши ўйинни ўтказиб юборади. Бу ҳақда “қизиллар” бош мураббийи Юрген Клопп маълум қилди.

“Кейта менга жароҳат ҳақида гапириб берди ва оёғини кўрсатди. Тез орада унинг қай даражада жиддийлиги ҳақида билиб оламиз. Ўйлайманки, эртага у тиббий кўрикдан ўтади, кейин ҳаммасини аниқ билиб оламиз. Аммо одатда, агар сонда озгина ноқулайлик бўлса, бу футболчи кейинги ўйинга тайёр эмаслигини англатади. Шунинг учун мен уни “Атлетико”га қарши ўйинда майдонга тушурмоқчи эмасман”, - деди Клопп клуб расмий сайтига берган интервьюсида.

Эслатиб ўтамиз, "Ливерпуль" - "Атлетико" учрашуви 3-ноябрь куни Тошкент вақти билан 01:00 да старт олади.