"Liverpul" yarim himoyachisi Nabi Keyta Chempionlar ligasining 4-turi doirasidagi "Atletiko"ga qarshi o‘yinni o‘tkazib yuboradi. Bu haqda “qizillar” bosh murabbiyi Yurgen Klopp ma’lum qildi.
“Keyta menga jarohat haqida gapirib berdi va oyog‘ini ko‘rsatdi. Tez orada uning qay darajada jiddiyligi haqida bilib olamiz. O‘ylaymanki, ertaga u tibbiy ko‘rikdan o‘tadi, keyin hammasini aniq bilib olamiz. Ammo odatda, agar sonda ozgina noqulaylik bo‘lsa, bu futbolchi keyingi o‘yinga tayyor emasligini anglatadi. Shuning uchun men uni “Atletiko”ga qarshi o‘yinda maydonga tushurmoqchi emasman”, - dedi Klopp klub rasmiy saytiga bergan intervyusida.
Eslatib o‘tamiz, "Liverpul" - "Atletiko" uchrashuvi 3-noyabr kuni Toshkent vaqti bilan 01:00 da start oladi.
