Италия А сериясининг 26-турига келиб Миланнинг “Милан” клуби “Ювентус”нинг битта кам ўйини қўшиб ҳисоблаганда туринликларга етиб олди. Шу кунгача Аллегри шогирдлари фақатгина битта учрашув кўп ўтказгани учун пешқадамлик қилиб келишган бўлса, бу турда “Ювентус”нинг ўзи ҳисоб-китобларни тенглашишига ёрда бериб юборди.
“Палермо” меҳмони бўлган “Милан” йирик ҳисобда ғалаба қозонди. Швециялик Златан Иброҳимовичнинг ўзи хет-трекни амалга ошириш учун 13 дақиқа вақт сарфлади, холос. Иккинчи бўлимда Тиаго Сильва томонидан киритилган гол ҳисобни янада йирик кўриниш олишига сабаб бўлди.
“Милан”нинг энг асосий рақобатчиси “Ювентус” кутилмаганда ўз уйида Веронанинг “Кьево” жамоасини мағлуб эта олмади. Аввалига де Челье Конте жамоасини ҳисобда олдинга олиб чиққанди. Бироқ иккинчи бўлимда Драме ҳисобни тенглаштирди ва “кекса сеньора”нинг бу мавсумдаги дуранглари сони 12тага етишига “кўмаклашиб” юборди.
Ушбу натижадан кейин Аллегри шогирдлари ҳисобида очколар сони (26 учрашувдан сўнг) 54тага етди. Конте жамоаси эса 25 учрашувда 51 очко тўплашга муваффақ бўлган. Эртага турнинг қолган учрашувлари ҳам бўлиб ўтади.
ИТАЛИЯ А СЕРИЯСИ
26-тур
ПАЛЕРМО – МИЛАН – 0:4 (0:3)
Голлар: Иброҳимович (22, 31, 35), Силва (58).
ПАЛЕРМО: Вивиано, Э. Муньос, Мильяччио, Мантовани, Пизано, Мас. Донати, Бертоло (Агиррегарай, 49), Э. Баррето, Иличич (Захави, 84), Будан (Делла Рокка, 59), Микколи.
МИЛАН: Аббьяти, Абате, Бонера, Силва, Антонини (Месба, 46), Амброзини, Ночерино, Мунтари, Эмануэлсон (Эл Шаарави, 54), Робиньо (Индзаги, 81), Иброҳимович.
ЮВЕНТУС – КЬЕВО – 1:1 (1:0)
Голлар: де Челье (18) – Драме (76).
ЮВЕНТУС: Буффон, Лихтштайнер (Дель Пьеро, 78), Бардзальи (Бонуччи, 41), Кьеллини, де Челье, Пирло, Маркизио (М. Касерес, 72), Падоин, Матри, Вучинич, Жаккерини.
КЬЕВО: Соррентино, Ачерби, Н. Фрей, Андреолли, Драме, Ригони, Брэдли, Саммарко (Хетемай , 64), Лусиано (Москарделли, 64), Теро, Палоски (Вацек, 83).
Огоҳлантириш: Драме (48).
Турнир жадвали
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Милан | 26 | 16 | 6 | 4 | 53-22 | 54 |
| 2 | Ювентус | 25 | 13 | 12 | 0 | 38-16 | 51 |
| 3 | Лацио | 24 | 13 | 6 | 5 | 38-24 | 45 |
| 4 | Удинезе | 25 | 13 | 6 | 6 | 37-23 | 45 |
| 5 | Наполи | 25 | 10 | 10 | 5 | 42-24 | 40 |
| 6 | Рома | 25 | 11 | 5 | 9 | 38-31 | 38 |
| 7 | Аталанта | 25 | 9 | 10 | 6 | 30-28 | 37 |
| 8 | Интер | 25 | 11 | 3 | 11 | 34-34 | 36 |
| 9 | Кьево | 26 | 9 | 7 | 10 | 22-31 | 34 |
| 10 | Катания | 24 | 8 | 9 | 7 | 32-33 | 33 |
| 11 | Фиорентина | 25 | 8 | 7 | 10 | 28-26 | 31 |
| 12 | Кальяри | 25 | 7 | 10 | 8 | 23-26 | 31 |
| 13 | Палермо | 26 | 9 | 4 | 13 | 35-47 | 31 |
| 14 | Женоа | 25 | 9 | 4 | 12 | 33-46 | 31 |
| 15 | Болонья | 24 | 7 | 7 | 10 | 24-29 | 28 |
| 16 | Сьена | 25 | 6 | 9 | 10 | 27-26 | 27 |
| 17 | Парма | 24 | 6 | 9 | 9 | 27-37 | 27 |
| 18 | Лечче | 25 | 6 | 6 | 13 | 28-40 | 24 |
| 19 | Новара | 25 | 3 | 8 | 14 | 21-45 | 17 |
| 20 | Чезена | 24 | 4 | 4 | 16 | 16-38 | 16 |
