Англиянинг тўртинчи дивизиони доирасида "Лейтон Ориент" клуби ўз майдонида "Хартлпул Юнайтед"ни қабул қилди. Учрашувда ҳакам томонидан қўпол ва кулгили хатога йўл қўйилди.

Баҳснинг 40-дақиқасида бош ҳакам Алан Янг ёрдамчи ҳакамга қўшилиши керак бўлган вақтга ишора қилди ва ёрдамчи ҳакам "4" рақами ёзилган таблони кўтарди. Ўша пайтда у 40 ва 45-дақиқаларни алмаштириб юборганди.

Баҳснинг 45-дақиқасига келганда эса рефери тайм якунлангани ҳақидаги ҳуштакни чалди. Ўша пайтда ҳакамга хато қилганини тушунтиришга уринишди, аммо у мурожаатларни рад қилди.

Танаффусда эса ҳакам хатога йўл қўйганини тушуниб етди. Жамоалар майдонга қайтаётганида Янг футболчиларга хато туфайли биринчи бўлим кам ўйналганини айтиб, иккинчи бўлим бошланишидан аввал биринчи таймнинг ўша қолиб кетган 4 дақиқасини ўйнаб қўйиш кераклигини таъкидлади. Жамоалар биринчи бўлимдаги майдон томонларини эгаллашди ва истар-истамас 240 сонияни ўйнаб қўйишди.

Шундан сўнг клублар дарвозаларни алмаштиришди ва иккинчи таймни ўтказишди. Учрашувда мезбонлар 5:0 ҳисобида ғалаба қозонишди.