"Барселона" ҳужумчиси Алексис Санчес Испания Чемпионатининг 26-тури доирасида "Спортинг"га қарши ўйинда жароҳат олди, дея хабар бермоқда Goal.com интернет-нашри. Маълумотларга қараганда у икки ҳафта мобайнида майдонга туша олмайди.
Тиббий текширувларга қараганда чилилик футболчи ўнг оёғининг сон қисми мушаклари лат еган. Бироқ, таъкидланишича бу эски жароҳатнинг янгиланиши эмас. Ёдингизда бўлса ўша жароҳат туфайли Санчес мавсум бошида икки ой давомида майдонга туша олмаганди.













