Сербиянинг Белград шаҳрида бўлиб ўтган бокс бўйича эркаклар ўртасидаги жаҳон чемпионати баҳслари якунига етди.

Кеча турнирнинг ҳал қилувчи финал жанглари ўтказилди ва барча вазн тоифаларида мусобақа ғолиб ва совриндорлари маълум бўлди. Якунда медаллар жамғариш бўйича Куба терма жамоаси 1-ўринни эгаллади. Уларнинг ҳисобида 3 олтин ва 2 бронза медаллари мавжуд. 2-поғонадан қўшниларимиз Қозоғистон терма жамоаси ўрин олган – 2 олтин, 2 кумуш, 1 бронза. Кучли учликни АҚШ якунлаб берган – 2 олтин, 2 кумуш.

Юртдошларимиз муваффақиятсиз якунланган мусобақада 1 кумуш, 1 бронзани қўлга кириб умумжамоа ҳисобида 10-натижани қайд этишди.

Эслатиб ўтамиз, жаҳон чемпионатида Абдумалик Халаков кумуш медал қўлга киритган бўлса, Мадияр Саидраҳимов бронза соҳибига айланди.