Германия чемпионати 11-туридан ўрин олган учрашувда "Бавария" ўз майдонида "Фрайбург"ни мағлуб этди (2:1).
Мюнхенликларнинг иккинчи голи польшалик ҳужумчи Роберт Левандовски ҳисобига ёзилди. "Бавария" тўпурари учун бу гол 2021 йилда урилган 60-голга айланди. Сўнгги бор бундай натижага 2014 йилда португалиялик Криштиану Роналду эришганди (61 гол).
Қайд этиш жоиз, Левандовскида ўз натижасини яхшилаш учун яна камида 10 учрашувда майдонга тушиш имконияти бор.
Эслатиб ўтамиз, футбол тарихида бир мавсумда энг кўп гол урган футболчи – Лионель Месси (2012 йил, 91 гол).
