Лондоннинг "Тоттенҳэм" жамоаси олинган сўнгги малумотларга кўра, тоголик ҳужумчининг трансферини "Манчестер Сити"дан сотиб олиш ниятида эмас.
Адебайор ёзда жамоа билан хайрлашиши кутилмоқда. Клуб эса, аллақачон унинг ўрнига бошқа ҳужумчи қидиришга тушган.
Хабарларга кўра, лондонликлар ёзда "Монпелье" ҳужумчиси Оливье Жируни ўз сафларига чақиришмоқчи. "Тоттенҳэм" Жируни узоқ муддатли ва молиявий жиҳатдан жуда қулай таклиф билан ўзларига оғдириб олиш ниятидалар.
Эслатиб ўтамиз, Оливье Жиру "Монпелье" сафида Франция чемпионати баҳсларида рақиб дарвозасини 20 маротаба нишонга олишга улгурган ва чемпионат тўпурари бўлиб турибди.
Франциялик истеъдодли ҳужумчига бошқа бир қатор европа клублари ҳам қизиқиш билдирган. Улар орасида, "Арсенал", "Ливерпуль" ҳамда "Интер" каби клубларнинг номи тилга олинмоқда.