«Манчестер Юнайтед» ҳимоячиси Фил Жонс инглиз клубини тарк этиши мумкин, деб хабар беради The Sun.
Газетанинг ёзишича, футболчига «Уотфорд» ва «Ньюкасл» клублари қизиқиш билдирмоқда. Клублар футболчини ижарага олмоқчи. Бундан ташқари, «Дерби Каунти» бош мураббийи Уэйн Руни Жонсни ўз жамоасида кўрмоқчи.
Эслатиб ўтамиз, «МЮ» устози Оле-Гуннар Сульшер футболчи билан хайрлашмоқчи эмас, чунки у машғулотларга бўлган муносабатидан қониқиш ҳосил қилади.
Ҳимоячи 2011 йилдан буён «Манчестер Юнайтед»да ўйнаб келмоқда. Футболчининг шартномаси 2023 йилнинг июнигача амал қилади. У жорий мавсумда «қизил иблислар» сафида бирорта ҳам ўйин ўтказмаган.
