"Вильярреал" футболчиси Ереми Пино "Барселона" қизиқишлари доирасига тушиб қолган. Бу ҳақида Испаниянинг "Todofichajes" нашри хабар берди.

Маълумотларга кўра, 19 ёшли испаниялик ярим ҳимоячига шахсан каталонияликларнинг янги бош мураббий Хавининг ўзи қизиқиш билдирмоқда. Қайд этилишича, "сариқ сувости кемаси" футболчини камида 2022 йилнинг ёзига қадар ўз сафида олиб қолмоқчи, дейилади хабарда.

Пинога "Барса"дан ташқари "Атлетико" ва "Реал Мадрид" ҳам қизиқиш билдирмоқда.

Жорий мавсумда у жами 15 ўйинда майдонга тушиб, 2та гол урган ва 3 голли узатмани амалга оширган.
Transfermarkt футболчининг нарҳини 30 миллион еврога баҳолаган.