«Реал Мадрид» раҳбарияти қишда кўплаб футболчиларни сотишни режалаштирмоқда. AS нашри хабарига кўра, трансфер ойнаси вақтида сотувга қўйиладиган 6 нафар футболчи номини маълум қилаган. Улар Хесус Вальехо, Лука Йович, Эден Азар, Гарет Бэйл, Марсело ва Иско.

«Қироллик клуби» таркибни янгиламоқчи ва юқорида тилга олинган футболчилар энди керак эмас деб ҳисобламоқда. «Қаймоқранглилар» трансферлардан тушган маблағни франциялик ҳужумчи Килиан Мбаппени сотиб олиш ҳамда Винисиус Жуниор билан янги шартнома имзолашга сарф қилмоқчи.

Испания чемпионатининг жорий мавсумида «Реал» пешқадам «Реал Сосьедад»дан бир очкога ортда қолган ҳолда иккинчи ўринда бормоқда.