«Женоа»нинг янги бош мураббийи Андрей Шевченко клубига мураббий этиб тайинлангани ҳақида фикр билдирди.
«Биз Женоани ўзининг буюк тарихига қайтариш учун янги саргузаштни бошлаяпмиз», — деб ёзди Шевченко Твиттерда.
«Женоа» Италиянинг тўққиз карра чемпиони. Охирги марта клуб чемпионликни 1924 йилда қўлга киритган.
Италия чемпионатининг 12-туридан сўнг «Женоа» 9 очко жамғариб, турнир жадвалида 17-ўринни эгаллади.
7 ноябрь куни «Женоа» Шевченкони бош мураббий этиб тайинланганини маълум қилганди. 45 ёшли мутахассис билан тузилган шартнома 2024 йилгача амал қилади.
