Туриннинг "Ювентус" клуби навбатдаги трансферлар вақтида ҳужум чизиғини кучайтиришни истамоқда, дея хабар берди Италиянинг "Calciomercato" нашри.
Маълумотларга кўра, "кекса синьора"нинг асосий мақсади "Фиорентина" ҳужумчиси Душан Влаҳович. Аммо “Ювентус”да серб футболчисининг трансфери муваффақиятсизликка учраган тақдирда бошқа вариантлар рўйхати мавжуд.
Туринликлар "шорт-листи"дан "ПСЖ" ҳужумчиси Мауро Икарди, "Бенфика"дан Дарвин Нуньес, "Арсенал"дан Александр Ляказетт, "Манчестер Юнайтед"дан Антони Марсьяль ва "Сассуоло"дан Жанлука Скамакка каби футболчилар ўрин олган.
