"Манчестер Юнайтед" клуби дарвозабони Дин Хендерсон қишки трансферлар ойнасида жамоани тарк этишга ҳаракат қилади. Англия терма жамоаси аъзоси ўйин амалиётига эга бўлолмаётгани сабаб, сўнгги учта халқаро баҳслардаги учрашувларни ўтказиб юборишга мажбур бўлган эди.
24 ёшли посбон Қатардаги Жаҳон чемпионатига боришни истайди. Шу сабаб доимий ўйин амалиётига эга бўлишни хоҳламоқда. Агар "МЮ" уни қишда қўйиб юборишга рози бўлса, Хендерсон учун биринчи даъвогар "Ньюкасл" бўлади.
"Қарғалар" инглиз дарвозабони учун биринчи рақамни беришдан ташқари, ҳафтасига 120 минг фунтлик моаш билан ҳам таъминлаши айтилган. Аммо ҳозирча, манкунянликларда Дин Хендерсонни сотиш режаси мавжуд эмас.
