Жанубий Америка минтақасида ЖЧ-2022 саралашининг навбатдаги туридан ўрин олган баҳслар Тошкент вақти билан 12 ноябрь тонгида бўлиб ўтди.
Бразилия ўз майдонида Колумбияни қабул қилди. Учрашув тақдирини ягона гол ҳал қилиб берди: 72-дақиқада Лукас Пакета ҳимоячиларнинг хатосидан кейин бошланган ҳужумни гол билан якунлаб, Бразилияга ғалаба келтирди.
Шу тариқа Бразилия Жанубий Америка минтақасида биринчи бўлиб Жаҳон Чемпионати йўлланмасини қўлга киритди. Пентакампеонлар ҳисобида 34 очко бор. Жамоа битта кам ўйин ўтказиб, гуруҳда 2-ўринда бораётган Аргентинадан 9 очкога илгарилаб кетган.
Шунингдек, тур доирасида яна учта ўйин бўлиб ўтди. Чили Парагвайдан устун келган бўлса, Эквадор Венесуэлани енгди. Перу эса ўз уйида Боливияга ҳеч қандай имконият қолдирмади.
Уругвай ва Аргентина ўртасидаги турнинг марказий беллашуви 13 ноябрь тонгида бўлиб ўтади.
ЖЧ-2022 саралаши. Жанубий Америка.
Бразилия – Колумбия 1:0
Гол: 1:0 – 72 Лукас Пакета.
Бразилия – Алиссон, Алекс Сандро, Данило, Маркиньос, Тиаго Сильва, Каземиро, Лукас Пакета (Фабиньо, 86), Фред (Винисиус Жуниор, 46), Рафинья (Антони, 64), Неймар, Габриэль Жезус (Матеус Куня, 64).
Колумбия – Оспина, Тесилё, Мохика (Куэльяр, 55), Санчес, Куадрадо, Лерма, Барриос (Муриэль, 78), Диас (Мартинес, 66), Морено, Мунёс (Хамес, 78), Сапата (Борха, 66).
Огоҳлантиришлар: Мохика (23), Барриос (29), Фред (34), Куадрадо (43), Неймар (74), Каземиро (84), Винисиус Жуниор (90).
Эквадор – Венесуэла 1:0
Гол: 1:0 – 41 Инкапиэ.
Парагвай – Чили 0:1
Гол: 0:1 – 56, автогол Сильва.
Перу - Боливия - 3:0
Голлар: Лападула (9), Куэва (31), Пенья (39)
| № | Жамоа | Ўйин | Ғалаба | Дуранг | Мағ-т | Т - Н | Очко | |
|---|---|---|---|---|---|---|---|---|
| 1 | Бразилия | 12 | 11 | 1 | 0 | 27-4 | 34 | |
| 2 | Аргентина | 11 | 7 | 4 | 0 | 19-6 | 25 | |
| 3 | Эквадор | 13 | 6 | 2 | 5 | 21-13 | 20 | |
| 4 | Чили | 13 | 4 | 4 | 5 | 15-14 | 16 | |
| 5 | Колумбия | 13 | 3 | 7 | 3 | 16-17 | 16 | |
| 6 | Уругвай | 12 | 4 | 4 | 4 | 14-17 | 16 | |
| 7 | Перу | 13 | 4 | 2 | 7 | 13-19 | 14 | |
| 8 | Парагвай | 13 | 2 | 6 | 5 | 9-18 | 12 | |
| 9 | Боливия | 13 | 3 | 3 | 7 | 17-28 | 12 | |
| 10 | Венесуэла | 13 | 2 | 1 | 10 | 8-23 | 7 |
