Janubiy Amerika mintaqasida JCH-2022 saralashining navbatdagi turidan o‘rin olgan bahslar Toshkent vaqti bilan 12 noyabr tongida bo‘lib o‘tdi.

Braziliya o‘z maydonida Kolumbiyani qabul qildi. Uchrashuv taqdirini yagona gol hal qilib berdi: 72-daqiqada Lukas Paketa himoyachilarning xatosidan keyin boshlangan hujumni gol bilan yakunlab, Braziliyaga g‘alaba keltirdi.

Shu tariqa Braziliya Janubiy Amerika mintaqasida birinchi bo‘lib Jahon Chempionati yo‘llanmasini qo‘lga kiritdi. Pentakampeonlar hisobida 34 ochko bor. Jamoa bitta kam o‘yin o‘tkazib, guruhda 2-o‘rinda borayotgan Argentinadan 9 ochkoga ilgarilab ketgan.

Shuningdek, tur doirasida yana uchta o‘yin bo‘lib o‘tdi. Chili Paragvaydan ustun kelgan bo‘lsa, Ekvador Venesuelani yengdi. Peru esa o‘z uyida Boliviyaga hech qanday imkoniyat qoldirmadi.

Urugvay va Argentina o‘rtasidagi turning markaziy bellashuvi 13 noyabr tongida bo‘lib o‘tadi.

JCH-2022 saralashi. Janubiy Amerika.
Braziliya – Kolumbiya 1:0
Gol: 1:0 – 72 Lukas Paketa.
Braziliya – Alisson, Aleks Sandro, Danilo, Markinyos, Tiago Silva, Kazemiro, Lukas Paketa (Fabinyo, 86), Fred (Vinisius Junior, 46), Rafinya (Antoni, 64), Neymar, Gabriel Jezus (Mateus Kunya, 64).
Kolumbiya – Ospina, Tesilyo, Moxika (Kuelyar, 55), Sanches, Kuadrado, Lerma, Barrios (Muriel, 78), Dias (Martines, 66), Moreno, Munyos (Xames, 78), Sapata (Borxa, 66).
Ogohlantirishlar: Moxika (23), Barrios (29), Fred (34), Kuadrado (43), Neymar (74), Kazemiro (84), Vinisius Junior (90).

Ekvador – Venesuela 1:0
Gol: 1:0 – 41 Inkapie.

Paragvay – Chili 0:1
Gol: 0:1 – 56, avtogol Silva.

Peru - Boliviya - 3:0
Gollar: Lapadula (9), Kueva (31), Penya (39)