"Барселона" ярим ҳимоячи Серхи Роберто билан шартномани узайтириш бўйича музокараларни қайта бошлади.
Каталонияликларнинг янги бош мураббий Хавининг фикрича, футболчи асосий таркибдан жой олиш учун жамоадошларига рақобат туғдира олади.
Аввалроқ, Роберто клуб билан шартномасини узайтирмоқчи эди, бироқ Роналд Куман буйруғига биноан музокаралар барбод бўлди. Испаниялик футболчи атрофидаги вазият "Барселона"га янги бош мураббий Хави келиши биланоқ кескин ўзгарди, у Серхини асосий таркиб футболчиси сифатида кўрмоқда.
Жорий мавсум 29 ёшли ярим ҳимоячи "кўк-анорранглилар" сафида чемпионатда 9 ўйин ўтказиб, 2 гол, 1 голли узатмани амалга оширди.
