"Арсенал" ҳужумчиси Флорин Балогун "Мидлсбро" устози Крис Вайлдернинг қишки харидлар рўхатидан ўрин олган. 54 ёшли мутахассис ўтган мавсумда "Шеффилд" билан АПЛдан тушиб кетгач, истеъфога чиқарилган эди.
У 8 ойлик танаффусдан кейин, ўтган ҳафтада "Мидлсбро"га бош мураббий этиб тайинланди. Унинг ҳозирги асосий иши жамоани янгилаш бўлмоқда. Шу сабаб, ҳужумчи сотиб олиш ниятида.
"Арсенал" футболчисини мавсумнинг иккинчи ярмида ижарага бериши мумкин. Вайлдер эса, бунга эга чиқмоқчи. У 2019 йилда "Шеффилд"ни АПЛга олиб чиққан эди. Ҳозир эса "Мидлсбро"да бу ишни уддалашга ҳаракат қилиб кўради.