Туриннинг “Ювентус” клубининг швециялик вингери Деян Кулушевски трансфер мавсумида Туманли Альбионга ўтиши мумкин. “Calciomercato” нашри хабарига кўра, Лондоннинг “Арсенал” клуби “кекса синьора” футболчиси хизматларига қизиқиш билдирмоқда.
“Канонирлар” раҳбарияти яримҳимоячининг тўлиқ трансферини амалга ошира олмайди ва шу сабабли туринликларга алмашишни таклиф қилмоқда. Италия гранди Кулушевски ўрнига ивуарлик вингер Николас Пепени олиши мумкин. Аввалроқ лондонликлар африкаликни сотишга тайёр эканликларини айтишганди.
Деян 2020 йилнинг январь ойидан бери Италия грандининг шарафини ҳимоя қилиб келмоқда. Томонлар ўртасидаги шартнома муддати 2025 йилнинг ёзига қадар амал қилади.
