"Милан" жамоаси бош мураббийи Стефано Пиоли билан шартномани узайтириш борасида келишиб олди, дея хабар беради "Calciomercato" нашри.
Манба берган маълумотларга кўра, шартнома Милан клуби ижрочи директори Иван Газидис иш сафаридан қайтганидан сўнг имзоланади.
Янги келишув 2024 йилгача амал қилади ва яна бир мавсумга узайтирилиши мумкин. Унга кўра, мураббийнинг маоши йилига 3,5 миллион евро ва қўшимча бонуслар бўлади.
Пиолининг клуб билан амалдаги шартномаси 2022 йилнинг июнига қадар амал қилади.
Италия чемпионатининг 12-туридан кейин “Милан” 32 очко жамғариб, турнир жадвалида иккинчи ўринни эгаллаб турибди.
