Каталониянинг “Барселона” клуби 2017 йилда 120 миллион евро эвазига Усмон Дембеленинг “Боруссия Д” жамоасидан сотиб олган. “Opta” нашри хабарига кўра, франциялик футболчи ушбу  трансферидан буён жамоа ўйинларининг атиги 49,6 фоизида майдонга тушди. Усмон майдонда ҳаракат қилган кунларидан кўра, жароҳатлар туфайли касалхонада кўп вақтни ўтказиб юборди. 

Нашрнинг қўшимча қилишича,  Дембеле “кўк-анорранглилар” сафига қўшилгандан кейинги 240 ўйиндан 119 тасида майдонга тушди. Эътиборлиси, вингер бу учрашувларда 30 та гол ва 20 та голли узатмани амалга оширди.  

Эслатиб ўтамиз, яқинда “Барселона”нинг янги бош мураббийи Хави Эрнандес Дембелени ўзининг тактик таркибидаги асосий ўйинчига айлантириш истаги борлиги ҳақида маълумотлар пайдо бўлган эди.