"Лестер Сити" клуби бош мураббийи Бренден Рожерс "МЮ" ўтиши билан боғлиқ хабарларга изоҳ берди. У бу ҳақда шундай дейди:
"Аввало, ушбу саволни мендан сўраётган мухбир менга ҳурматсизлик қилмоқда деб ўйлайман. Негаки, "МЮ"да ҳозир мураббий бор. У яхши мутахассис ва яхши инсон. Иккинчидан эса, мен бу каби хабарларга изоҳ бермайман. Чунки бу реалликдан анча узоқ нарса. Мен "Лестер"даман ва бундан фахрланаман. Қолган гапларни биз назорат қила олмаймиз. Ҳамма истаганича гапиради".
48 ёшли мутахассис Оле-Гуннар Сульшер ўрнига энг муносиб номзод сифатида кўрилаётган эди.
