Бугун Суперлигада 25-тур ўйинлари старт олади.

Совринли ўринлар учун курашаётган АГМК, «Насаф» ва «Сўғдиёна» бугун ўз ўйинларини ўтказади.

АГМК Қўқонда меҳмон бўлса, Жиззахда «Сўғдиёна» ва «Насаф» ўзаро беллашади.

Бугунги бўлажак икки ўйин чемпионат тугашига 1 тур қолганда баъзи масаларини ҳал этиши мумкин.

Демак, бугунги ўйинлардаги эҳтимолий натижалардан кейин нималар руй бериши мумкинлигига эътибор қаратамиз.

АГМК бугун чемпионат совриндори бўлишини таъминлаши мумкин!?

• Қўқонда агарда Тошкент вилояти жамоаси ғалаба қозонса, унда Жиззахдаги ўйин натижасидан қатъи назар АГМК 2021 йилги мавсумни ҳам совриндор сифатида якунлашини таъминлайди.

АГМК кумуш медали масаласини бугуноқ ҳал этиши мумкин!?

• Агарда олмалиқликлар Қўқонда ғалаба қозонадиган бўлса ҳамда Жиззахда «Сўғдиёна» ва «Насаф» ўзаро дуранг ўйнаса, унда муддатидан аввал АГМК 2-ўринни қўлга киритиши мумкин