Мадриднинг «Реал» клуби бош мураббийи Карло Анчелотти Ла Лиганинг 14-тури доирасидаги «Гранада»га қарши ўйин олдидан уэлслик ҳужумчи Гарет Бэйл ҳақида ўз фикрлари билан ўртоқлашди.
«Бейл билан боғлиқ вазият анча ошкора эди. Унга терма жамоага боришга рухсат берилди, у ерда унинг ҳолати баҳоланди, у ўйнади ва жароҳат олди. Балки баҳолаш етарлича аниқ бўлмагандир. Энди унинг тикланишига эришишимиз керак, чунки биз ишонамиз. У бу мавсумда бизга фойдали бўлиши мумкин.
Шубҳасиз, Бейлнинг Уэлс терма жамоаси билан ўзига хос муносабати бор, лекин у ҳам »Реал«да ўйнашни хоҳлайди. У майдонга қайтишни истайди», - деди Анчелотти.
