Madridning «Real» klubi bosh murabbiyi Karlo Anchelotti La Liganing 14-turi doirasidagi «Granada»ga qarshi o‘yin oldidan uelslik hujumchi Garet Beyl haqida o‘z fikrlari bilan o‘rtoqlashdi.
«Beyl bilan bog‘liq vaziyat ancha oshkora edi. Unga terma jamoaga borishga ruxsat berildi, u yerda uning holati baholandi, u o‘ynadi va jarohat oldi. Balki baholash yetarlicha aniq bo‘lmagandir. Endi uning tiklanishiga erishishimiz kerak, chunki biz ishonamiz. U bu mavsumda bizga foydali bo‘lishi mumkin.
Shubhasiz, Beylning Uels terma jamoasi bilan o‘ziga xos munosabati bor, lekin u ham »Real«da o‘ynashni xohlaydi. U maydonga qaytishni istaydi», - dedi Anchelotti.