"Интер" бош директори Беппе Маротта ярим ҳимоячи Марсело Брозович клуб билан шартномасини узайтиришига ишончи комил эканлигини айтди.
"Брозович билан келишув давом этадими? Мен хотиржамман. Марсело яқин кунларда жамоа билан шартномасини узайтиради. Унга "Интер"да яратиб берилаётган шароитлар бошқа жамоада яратиб берилмайди", – дея Мароттанинг сўзларидан иқтибос келтирган журналист Николо Скира.
Жорий мавсум ярим ҳимоячи "нерадзуррилар" сафида 16 ўйинда майдонга тушиб, 1 гол урди ва 2 голли узатмани амалга оширди. Унинг клуб билан амалдаги шартномаси жорий мавсум охирида якунига етади.
