Ўзбекистон терма жамоаси футболчиси Достонбек Турсунов Грузияга қарши ўртоқлик учрашувига тайёргарлик пайти жароҳат олганди. Ўзбекистон футбол ассоциацияси уни даволаш учун Италиянинг машҳур жарроҳларидан бири Паоло Марианини жалб этгани ҳақида хабар бериб ўтгандик.
Футболчимиз Италия пойтахти Римда “Вилла Стуарт” клиникасида профессор Мариани томонидан операция қилинди. Маълум бўлишича, жарроҳлик амалиёти муваффақиятли амалга оширилган ва айни пайтда ҳимоячимиз ўзини яхши ҳис қилмоқда.