Мадриднинг "Реал" клуби ҳимоячиси Пепенинг келажакдаги фаолияти, бош мураббий Жозе Моуриньога боғлиқ бўлиб турибди.
Sport.es нашpининг маълум қилишича, Жозе Моуриньо ёзда жамоани тарк этадиган бўлса, Пепе трансферга қўйилар экан.
"Реал" президенти Флорентино Переснинг фикрича, Пепе майдондаги ҳатти-ҳаракатлари билан клуб имижига доғ тушираётган экан. Аммо уни ҳозирда сотиб юборишнинг иложи йўқ. Сабаби, ҳимоячи Моуриньонинг тактик схемаларида асосий ролни ўйнаяпти.
Португалиялик ҳимоячини қўлга киритиш учун "ПСЖ" клуби таклиф билдирганлиги ҳақида маълумотлар бор. Аммо, кўпчиликнинг фикрича, Пепе Жозе Моуриньо билан "Челси"га ҳам йўл олиши мумкин.
