"Астон Вилла" бош мураббийи Стивен Жеррард жамоа футболчиси Эшли Янг ҳақида фикр билдирди. У фахрий футболчини мақтади:
"Мен Эшлини жуда ҳам яхши биламан. У қайси жамоани эшигидан кирмасин, фақат фойдали бўлиб келган. Нафақат машғулотлар майдонида, балки майдондан ташқарида ҳам. Биз мураббийлар у каби футболчи борлигидан қувонамиз. Чунки Эш каби йигитлар жамоани бошқаришни осонлаштиришади. Энг асосийси у исталган жойда, ўнгда ёки чапда ўйнай олади. Бу эса жамоа учун жуда муҳим".
36 ёшли Янг "Вилла"да иккинчи йилини ўтказмоқда. У "Брайтон" устидан ғалаба қозонилган кечада, ассист муаллифига айланган эди.