ПСЖ ҳужумчиси Лионель Месси Криштиану Роналду билан бўлган қарама-қаршилиги ҳақида гапирди.
“Роналду “Манчестер Юнайтед”да аввал ўйнаган ва клубдаги муҳитни билар эди. Шу сабаб, у тезда клубга мослашиб кетди. Роналду ҳеч қандай муаммога дуч келмай, дарров гол ура бошлади. “Манчестер Юнайтед” Премьер-лигада кутилганидек яхши натижа кўрсатмаяпти, аммо биламизки, АПЛ қийин лига. Декабрдан кейин вазият бошқача бўлиши мумкин.
Роналду билан қарама-қаршиликни соғиндимми? Бир лигада ўйнашни тўхтатганимизга анча бўлди. Биз якка тартибда ҳам, жамоавий миқёсда ҳам кураш олиб бордик. Бу биз учун ҳам, мухлислар учун ҳам жуда чиройли саҳна бўлди. Бу ажойиб хотира футбол тарихида қолади”, - дея Мессининг сўзларини келтиради “Маrcа”