Германиянинг «Кёльн» ва Лондоннинг «Арсенал» клублари ёзги трансфер ойнаси вақтида ҳужумчи Лукас Подольскининг «канонирлар» сафига ўтиши борасида келишувга эришишди, дея хабар бермоқда «The Guardian» нашри.

Германия терма жамоаси аъзосининг трансфер нархи 10,9 миллион фунт-стерлингга тенг. Немис футболчиси лондонликлар билан ҳафталик маоши 100 минг фунтга тенг бўлган тўрт йиллик шартнома имзолайди.

Шундай қилиб, Лондон клуби раҳбарияти ойлик маошларини шакллантириш тартибини қайта кўриб чиқиб, жамоанинг бошқа бир ҳужумчиси — «Арсенал» билан шартномаси 2013 йил ёзида якунига етадиган Робин ван Персини ушлаб қолишга ҳаракат бошлашмоқда.