“Барселона” яримҳимоячиси Педри кейинги йил майдонга қайтади. У охирги марта сентябр ойи охирида “кўк-анорранглилар” сафида ўйнаган эди. Кейин у мушак жароҳати билан касалхонага ётқизилган. АS нашри хабарига кўра, Педрининг жароҳати ўшандан бери икки марта қайталаган. 

Манбанинг ёзишича, Педри 2021 йилда майдонга туша олмайди. “Барселона” бош мураббийи Хави иқтидорли яримҳимоячи тўлиқ тикланиши керак деган қарорга келди. Шу сабаб, ҳеч ким футболчининг соғлиғини хавф остига қўймайди.

Эслатиб ўтамиз, Педри яқинда “Golden Boy” совринини қўлга киритганди. У 2021 йилнинг энг яхши ёш футболчиси деб топилди.