“Barselona” yarimhimoyachisi Pedri keyingi yil maydonga qaytadi. U oxirgi marta sentyabr oyi oxirida “ko‘k-anorranglilar” safida o‘ynagan edi. Keyin u mushak jarohati bilan kasalxonaga yotqizilgan. AS nashri xabariga ko‘ra, Pedrining jarohati o‘shandan beri ikki marta qaytalagan. 

Manbaning yozishicha, Pedri 2021 yilda maydonga tusha olmaydi. “Barselona” bosh murabbiyi Xavi iqtidorli yarimhimoyachi to‘liq tiklanishi kerak degan qarorga keldi. Shu sabab, hech kim futbolchining sog‘lig‘ini xavf ostiga qo‘ymaydi.

Eslatib o‘tamiz, Pedri yaqinda “Golden Boy” sovrinini qo‘lga kiritgandi. U 2021 yilning eng yaxshi yosh futbolchisi deb topildi.