"Манчестер Сити" ҳимоячиси Коло Туре Европа лигаси 1/8 финали биринчи учрашувида Лиссабоннинг "Спортинг" клубига 0:1 ҳисобида имконият бой берилгандан сўнг, мағлуьият ва жавоб ўйини ҳақида сўз юритди.

"Биз бугун бутун ўйин давомида хато қилишимизни кутиб турган жамоага қарши ўйнадик. Улар жарима тўпини яхши бажардилар ва биз гол ўтказдик. Бунақаси бўлиб туради.  Бу жуда қийин ўйин бўлди. Ҳали жавоб ўйини бор. Биз кейинги босқичга чиқиш учун бор кучимизни сарфлаймиз.

Рақибни менсимадик дея олмайман. Биз Лиссабонга фақат ғалаба учун ташриф буюргандик. Қайтараман, бу баҳс икки ўйиндан иборат, биз бир марта ютқаздик, холос.

Жавоб ўйинини худди финалдай ўтказишимиз керак. Бизни яна қийин ўйин кутиб турибди, лекин ғалаба қозонишимиз шарт. Ўйлайманки, биз ўз майдонимизда ишончлироқ тўп сурамиз ва кўпроқ гол урамиз. Бунинг учун яхшилаб тайёрланиш керак. "Спортинг" яхши ҳимояланишини бугун кўрсатди. Кейин, қарши ҳужумда ҳам яхши ўйнади", дея сўзлаб берди УЕФА расмий сайтига.