Стефано Пиоли “Милан” билан янги шартнома борасида келишувга эришди. “Calcio Mercato” нашри ўз саҳифаларида хабар беришича, битим 26 ноябрь, жума куни имзоланади.
Янги шартнома 2024 йилнинг июнь ойи охиригача амал қилиши кутилмоқда. Пиолининг маоши мавсумига 3,5 миллион еврони ташкил қилади. Шунингдек, келишув Европа мусобақалари билан боғлиқ бонус тўловларини ҳам кўзда тутади.
Айни дамда “Милан” “Наполи” билан А серия турнир жадвалида пешқадамлик қилмоқда. Шунингдек, “россонерилар” чоршанба куни кечқурун “Атлетико” устидан қозонилган минимал ғалаба туфайли Чемпионлар лигаси плей-офф босқичига чиқиш учун курашмоқда.
