«Манчестер Юнайтед» ҳужумчиси Криштиану Роналду америкалик қўшиқчи Пинкнинг хайрия тадбирида иштирок этиш ҳақидаги илтимосига ижобий жавоб қайтарди.
«Салом Криштиану! Бу йил мен бир нечта болалар учун Рождествога ҳомийлик қиламан. Улар сизнинг либосларингиздан бошқа нарсани олишни хоҳламайдилар.
Уларнинг орзуларини рўёбга чиқаришга қарор қилдим. Менга уларнинг ҳаётини ўзгартиришда ёрдам берасизми? Биламан, сиз ҳар доим ажойиб ишларни амалга оширгансиз», - деб ёзди Пинк.
«Салом, Пинк, мен ёрдам беришдан хурсандман. Болалар учун бир нечта дастхатим туширилган либосларимни юборяпман. Буни амалга ошираётганингиз ажойиб!», - дея жавоб қайтарди португалиялик футболчи.
