Каталон клуби бош постига янги тайинланган Хави Эрнандес бошчилигидаги жамоа учун Ла Лига баҳслари осон кечмаяпти.
Испан мутахассисининг иккинчи ўйинида “кўк-анорранглилар” “Вильярреал” билан тўқнаш келишди (3:1) ва учрашувнинг дастлабки 45 дақиқасида жамоалар ҳисобни очишнинг уддасидан чиқа олишмади.
Шу тариқа, Хави қўл остида ўтган жами беш бўлим давомида каталонияликлар фақат бир марта рақиблари дарвозасини ишғол қилди. Бу мураббийнинг “Эспаньол”га қарши дебют ўйинида содир бўлган. Ўшанда Мемфис Депай пенальтини голга айлантирган эди.
Опта статистик порталининг хабар беришича, “кўк-анорранглилар” ушбу баҳсларнинг барчасида гол уриш учун умумий 34 марта дарвоза томон зарба беришган.
Бу эса яқин йиллар ичида қайд этилган энг ёмон кўрсаткич ҳисобланади.
Футболчилар гарчи зарбалар борасида сермаҳсулликни кўрсатаётган бўлсаларда, унинг якунида муваффақияциз ҳаракат қилишмоқда.
