Николо Скиранинг хабар беришича, "Ривер Плейт" бош мураббийи Марсело Гальярдо жамоани тарк этиши мумкин.
Маълумотларга кўра, Уругвай терма жамоаси 45 ёшли аргентиналик мутахассисга даъвогарлик қилмоқда. Мамлакат футбол федерацияси мураббий билан яқин орада музокараларни бошлайди. Маълум қилинишича, томонлар 2024 йилгача бўлган шартнома имзолаши мумкин.
Эслатиб ўтамиз, Гальярдо "Ривер Плейт"ни 2014 йилдан бери бошқариб келади. Унинг қўл остида жамоа Аргентина чемпиони, уч карра мамлакат кубоги соҳиби, шунингдек, Либертадорес кубогининг икки карра ғолиби бўлди.
