"Барселона"нинг франциялик ҳужумчиси Усмон Дембеле клубдаги маошини сезиларли даражада оширмоқчи, дея хабар беради "Footmercato" нашри.
Манбанинг хабарига кўра, футболчи шартнома имзолаш учун бонус сифатида 30 миллион евро, шунингдек, солиқлар билан қўшиб ҳисоблаганда йилига 20 миллион евро маош олмоқчи. Бу талаблар, аксинча, французнинг маошини камайтирмоқчи бўлган Каталония клуби раҳбариятини жуда ҳайратда қолдирди.
Жорий мавсумда 24 ёшли Дембеле "Барселона" сафида бор йўғи 3 та ўйинда майдонга тушди ва самарали ҳаракатлари билан ажралиб турмади. Унинг клуб билан шартномаси 2022 йилнинг ёзига қадар амал қилади.
