"Barselona"ning fransiyalik hujumchisi Usmon Dembele klubdagi maoshini sezilarli darajada oshirmoqchi, deya xabar beradi "Footmercato" nashri.
Manbaning xabariga ko‘ra, futbolchi shartnoma imzolash uchun bonus sifatida 30 million yevro, shuningdek, soliqlar bilan qo‘shib hisoblaganda yiliga 20 million yevro maosh olmoqchi. Bu talablar, aksincha, fransuzning maoshini kamaytirmoqchi bo‘lgan Kataloniya klubi rahbariyatini juda hayratda qoldirdi.
Joriy mavsumda 24 yoshli Dembele "Barselona" safida bor yo‘g‘i 3 ta o‘yinda maydonga tushdi va samarali harakatlari bilan ajralib turmadi. Uning klub bilan shartnomasi 2022 yilning yoziga qadar amal qiladi.
