"Челси" клуби февраль ойида клублар ўртасидаги Жаҳон чемпионатида қатнашади. Куни кеча ФИФА ушбу мусобақанинг ўтказилиш санасини маълум қилди.
Унга кўра, турнир 2022 йилнинг 3-12 февраль кунлари БААда бўлиб ўтади. "Челси" ушбу турнирга Европа чемпиони сифатида боради ва ярим финал баҳсларидан қўшилади.
Шу сабаб АПЛда ушбу жамоа ўйинлари бошқа кунга қолдирилиши белгиланди. Яъни "Брайтон" ҳамда "Арсенал" билан баҳс бошқа кунга режалаштирилади.
Эслатиб ўтамиз, "Челси" 2012 йилда ҳам ушбу мусобақада иштирок этган. Ўшанда "аристократлар" Бразилиянинг "Коринтианс" клубига мағлуб бўлганди.
