"Эвертон" клуби ўз мураббийини алмаштириш ҳақида ўйлай бошлади. Хабарларга кўра, клуб раҳбарияти Рафаель Бенитес ишларидан қониқиш ҳосил қилмаяпти.
Шу сабаб, унга ўз ишини сақлаб қолиш учун 2та ўйин беришни ўйламоқда. Унга кўра, келаётган турдаги "Ливерпуль"га қарши дербидан ташқари, Бенитес қўлида яна битта ўйин бўлади.
Агар бундан испаниялик мутахассис фойдалана билмаса, у ҳолда клуб бошқа мураббийга мурожаат қилади. Таъкидланишича, Бенитес ўрнига энг муносиб номзод сифатида Дания терма жамоаси устози Каспер Юльманн кўрсатилган.
49 ёшли мураббий ўз жамоасини қитъа чемпионатида ярим финалга қадар олиб борган эди.
