"Торино" "Аталанта" ярим ҳимоячиси Алексей Миранчукга қизиқиш билдирмоқда. Клуб 26 ёшли россиялик футболчини кейинчалик сотиб олиш шарти билан ижарага олиши мумкин, дея хабар беради "Calciomercato".
Аввалроқ, Россия терма жамоаси ярим ҳимоячисига "Женоа", "Верона" ва "Сассуоло" клублари ҳам даъвогарлик қилаётгани ҳақида хабарлар тарқалган эди.
Жорий мавсумда Миранчук Италия чемпионатида 6 та, Чемпионлар лигасида 2 та учрашув ўтказди, шу билан бирга у бирорта ҳам гол ура олмади. Охирги марта ярим ҳимоячи ўз клубида 27 октябрь куни "Сампдория"га қарши ўйинда майдонга тушиб, 11 дақиқа давомида ҳаракат қилган эди.
