"Манчестер Юнайтед" ярим ҳимоячиси Хуан Мата катта эҳтимол билан жамоани тарк этади.
"Manchester evening news" нашри хабарига кўра, 33 ёшли испаниялик футболчи манкунианликлар янги бош мураббий режасига киритилмагани сабабли қишки трансферлар вақтида клубини ўзгартирмоқчи. У фаолиятини қаерда давом эттириши ҳақида маълумот йўқ.
Бу мавсумда ярим ҳимоячи Премьер-лигада ҳали бирорта ўйин ўтказмади. "Вест Хем"га қарши кубок ўйинида эса унга бор-йўғи 62 дақиқа вақт берилди.