"Наполи" президенти Аурелио Де Лаурентис Неапол клуби ва Аргентина терма жамоаси ўртасида афсонавий аргентиналик футболчи Диего Марадона хотирасига бағишланган ўртоқлик учрашуви ўтказиши мумкинлигини маълум қилди.
"Биз ташқи ишлар вазири Луиджи Ди Майо ва Аргентина элчиси билан учрашув ўтказиш устида ишлаяпмиз", - дея Лаурентиснинг сўзларидан иқтибос келтиради "Football Italia" нашри.
Қайд этилишича, учрашув 2022 йилнинг 24 май куни Неаполда бўлиб ўтади.
Эслатиб ўтамиз, Марадона 2020 йилнинг 25 ноябр куни 60 ёшида вафот этган эди. У 1984 йилдан 1991 йилгача "Наполи"да ўйнаган ва Аргентина билан 1986 йилги жаҳон чемпионатида ҳам ғалаба қозонган.
